凍乾│蜂巢牛肚20g

市面上好多寵物食品都會加入草胃(姐係反芻動物既胃壁)
有比毛孩食過既話就會知陣味係好似坑渠咁臭
但偏偏佢對毛孩黎講係非常有益既日常補充品黎嫁(　ﾟ∀ﾟ) ﾉ♡

▫️幾乎理想既鈣磷比例
食開鮮食既主人就會成日聽到鈣磷比，咁到底係咩黎呢？鈣磷比係負責維持毛孩健康既骨骼，
鈣唔單止幫助骨骼發育，而且有助於肌肉同神經健康。
磷除咗對骨骼有好處，同時亦對包括腎臟、心臟既主要器官有益。

▪️益生菌
益生菌就大家都好熟悉啦
除咗幫助促進食物消化，亦有助於從食物中吸收維生素同礦物質。
牛肚不單止含有益生菌，仲含有益生元
益生元係為好菌提供營養，增強並延長佢地既壽命。

▫️消化酶
消化酶係腸道中協助分解食物。
隨著食物被分解，毛孩既消化系統可以吸收更多既維生素、礦物質同必需成分，以滿足佢地日常營養需求。

▪️omega脂肪酸
牛肚含有良好平衡既omega-3 同omega-6 脂肪酸
有助於身體吸收脂溶性維生素，改善心臟同大腦健康
另外仲可以改善毛髮、皮膚健康。

▫️低卡
牛肚比大多數肉類食品低卡

▪️氨基酸
牛肚含有所有氨基酸，所以係一種完整既蛋白質來源。
亮氨酸有助於肌肉修復，對於活躍既狗狗非常有益；
脯氨酸有助於傷口癒合；
天冬氨酸可以促進抗體既產生，抵抗疾病同感染。

集咁多好處於一身 為左毛孩既身體健康 真係幾臭都要忍住啊(•̀ᴗ• )

製成品的色澤、大小會因應批次不同而略有偏差，圖片只供參考

凍乾產品經接觸空氣後，會有不同程度的氧化情況(顏色變化/含油份產品會有油益味)，實屬正常現象。保存溫度及濕度等環境因素亦會影響氧化情況。介意者請慎重購買，因氧化問題而申請退貨/退款，本店將不獲處理。

收到貨品後請放置於陰涼乾爽地方，避免陽光直射，開封後請盡快食用。