凍乾 │ 韓國蠔肉

-
毛孩既健康必定系奴才最關注既一環
如果你都重視呢個問題想了解多啲一定要睇埋落去🌟
「礦物質」不論對人定毛孩黎講都系非常重要既一種元素，
而「鐵」就系排名第一位既核心成份；
所以當聽到有關血液既問題，大家第一時間都系諗補「鐵」，而往往忽略左排名第二位既「鋅」。

甘到底「鋅」對毛孩既身體有啲咩作用呢？
-「鋅」影響住身體內既酶、激素同蛋白質吸收
-提升細胞再生，修復能力，幫助傷口儘快癒合同強化骨骼
-維護同促進皮膚，毛髮，指甲等既健康發育
-而對「年幼階段」既毛孩黎講，「鋅」對大腦、視力同記憶力方面既影響都十分之重要

如果平時系以乾糧為主食既毛孩就要特別注意番成份當中有無足夠既動物肉源(紅肉、白肉、魚肉，尤其是深海魚)令毛孩可以攝取到足夠既鋅啦！

另一個需要特別注意既群組就系雪撬同阿拉斯加，基於原始既獵食習慣，呢兩個犬種罹患缺鋅症既機率系遠遠大於其它既毛孩嫁！

甘到底患上缺鋅症會有啲咩症狀出現呢？
-皮膚發炎，結痂或者某啲部位皮膚增厚
如嘴角、口鼻處、眼睛周圍、爪等位置。
而且呢種情況極易被當做普通既皮膚過敏或者食物過敏治療。(呢啲情況其實店主都見吾少，萬一大家遇到呢個情況，食極敏感藥都無好轉，不妨向缺鋅症既方向諗一諗)

-腸胃敏感，食欲不振，消化不良，經常拉稀
-甲狀腺功能失調，極易發胖或者食極吾肥
-癲癇頻繁發作和多器官衰竭

如果大家發現毛孩同時出現兩種或者多種以上既症狀，建議盡快睇獸醫，睇下系咪患左缺鋅症同背後既成因。

如果系由食物造成既缺鋅，可以適當補充一啲含鋅量比較豐富既生食食材，紅肉（牛羊鹿），白肉（雞鴨火雞），海鮮（深海魚、生蠔、青口等）作為零食或者拌糧。

而店主推介蠔肉既原因系因為蠔不論系鋅、鈣、鎂、鐵等等既重要礦物質元素都可以一次補足。
而且維生素A、B2、B12既含量都非常豐富！

不過大家要注意番，補鋅必需要根據番補充用量餵食，吾系食得愈多就愈好！
如果盲目去補鋅系會造成「鋅中毒」嫁！
凍乾蠔肉黎講，1-2星期一次就已經足夠啦😉